Biografie

Groeët-Venlose vastelaoves-dj in hert en neere

Al jaore is ‘t ‘nne trend mit de vastelaovestiëd deste steeds minder echte vastelaovesleedjes huuërs. Toch wuuërt d’r al decennia langk in ôs eige dialec gezônge. Daorum dreij ik juus ôs eige alde en nieje vastelaovesleedjes.

visitekaartje_JoeksDJDao zien zoëvuuël leuke, moeije en gooje vastelaovesleedjes gemak in ôs eige Groeët-Venlo det ’t zund is um dees neet te dreije. Sinds ’n jaor of 15 verzamel ik (Groeët-) Venlose vastelaovesmeziëk. De collectie is inmiddels zoë oëtgebreid det ik ’t neet euver mien hert kriëg um alle lp’s, singletjes, cassettes, cd’s en ep’tjes in de kas te laote staon. Waorum zoël ik dae fantastische meziëk neet boeëte laote huuëre?

Zoë gezag, zoë gedaon. Vanaaf noow kint ge mich boeke. Veur ’n schappelik priëske kôm ik gaer op ôch vastelaovesfees plaetjes dreije. Mien doel: minse vermake mit de leukste vastelaovesleedjes oët de regio. Dit rippertoire völ ik dan aan mit nog waat leuke krakers, meizingers en sjoenkelleedjes oët ’t Limburgse. Auk ‘nne incidentele Kölsche klassieker ôntbrik neet in mien digtale platekôffer.

As kers op de slaagraum zet ik regelmaotig ’n joeksig leedje op YouTube, zoëdet eederein euveral kin genete van de leukste Groeët-Venlose vastelaovesleedjes.

Comments are closed.