Techniek

Analoog hert in ’n digitaal jeske

Veural um ‘n praktische raeje dreij ik mit behölp van de laptop. Alle meziëk steit digitaal opgeslage in miene computer. Toch hald ik zeelsvuuël van die alde, krakende plaetjes. Al dees vinyl en zelfs schellak plaetjes heb ik gedigitalisaerd in ’n zoë hoeëg meugelikke kwaliteit. Dus neet allein de niejerwetse vastelaovesleedjes kômme veurbeej. Auk alle klassiekers die oeëts op single, ep’tje, LP of meziëkcassette zien oëtgebrach passere de revue.

Door alles digitaal op te slaon bespaar ik veural ‘nne hiële haup gewich. As ik de originele geluuëdsdragers mei zoël môtte sjouwe, droog ik ’n gewich van ### kilo mei. Noow hoof ik allein ‘nne laptop, miene mixer en koptillefoon mei te sleipe. Dees waege same amper viëf kilo. Miër meziëk en minder gewich; ’n win-win-situatie.

Reacties zijn gesloten.