Over JoeksDJ

Haelt de (Groeët-) Venlose vastelaovesmeziëk laevendig en in iëre!

“Mien schoon” winnaer beej de Wortelepin

Bart Janssen & Willy Billekens | Brôn: Facebook-pagina Wortelepin

In eine naogenog oëtverkóchte Wortelekoel is ‘t liedje “Mien Schoon” op de ierste plaats geëindigd. ‘t liedje wuurt gezónge door Willy Billekens en Bart Janssen. ‘t Nummer is geschreve door Peter Jansen. De meziek is van Hay Geritz.

Op de twieëde plaats is ‘t liedje “Wat bin ik blie” geëindigd, ‘t liedje wuurt gezónge door Hay Geritz, Mark Janssen, Petro Janssen en Vic Suiker. ’t Is geschreve door Fred van de Boogaard en de meziek is van Hay Geritz.

De derde plaats is veur “Heej is nog plaats veur dich” ‘n liedje gezónge door Lonneke van Doorn, Annette Hermans, Ruud Geeraets en Wim Janssen. ‘t Nummer is geschreve door Peter Jansen. De meziek is van Hay Geritz.

Nummer veer in Blierick: ‘t liedje “Dinsdaagaovend” is gezónge door Willy Billekens en Bernie Billekens. ’t Is geschreve door Marc Peters met meziek is van Vic Suiker.

Alle winnaars gefilliciteerd en vuul plezeer met de optraejes in ’t kómmende vastelaovesseizoen.

Brôn: Facebook-pagina de Wortelepin

Oëtslaag Jocus Leedjesaovend 2019

2 Kiër 2 | Brôn: Facebook-pagina VVG Jocus

1. Tiéd van gaon (101 punte)
Gezônge door Hay Geritz, Mark Janssen, Petro Janssen en Vic Suiker.
Waörd Frans Pollux, meziék Hay Geritz.

2. Laot lekker ligge wao ‘t velt (84 punte)
Gebrach door Bart Ebus, Etienne Snel, Loek Heunen en Marco Gielens.
Waörd Peter Jansen, Hay Geritz.

3. ‘t Letste kletske (83 punte)
Gezônge door Jan Derijk, Joep Bindels en Paul van Steenkiste.
Waörd Hannelore Winter en Laurence Winter, meziék Jan Derijk.

4. Wae duit mich wat (77 punte)
Gebrach door Karen van Hoften en Ken Vaessen.
Waörd Marc Peters, meziék Hay Geritz

Brôn: jocusvenlo.nl

Aldste venlose vastelaovesleedje

Van ‘nne bevrind leefhebber kreeg ik ônlangs ‘n opname van ‘t aldste venlose vastelaovesleedje. ‘t Betref heej “de Sentimenteele (Och Mieke)” oët de 19e iëuw.

‘t Leedje is destiëds geschreve door Jocus’ eige dermekidelaer, d’n hiër Gerhard Hamm. Bekind waas al det ‘t leed zoëwiezoë oët 1885 stump. Nao waat ônderzeuk bin ik de iërste vermelding taegegekômme in de editie van 25 juni 1881 van ‘t Venloosch Weekblad. Dao oët kinste opmake det ‘t leedje toen al bestônd en op verzeuk van Jocus noow waort oëtgebrach op pepaer. Opnames ware nog neet meugelik / gebroeëkelik.

Dees live-opname kump van de ROZ, wuuërt gezônge door Frans Boermans, achter de piano zit Harry Verhagen.

Luuëster heej nao ‘t leedje: