Over JoeksDJ

Haelt de (Groeët-) Venlose vastelaovesmeziëk laevendig en in iëre!

‘Fiësta vastelaovend’ winnend Wien-leedje

161009-dewien‘t leedje ‘Fiësta vastelaovend’ haet de iërste plaats behaold op de leedjesmatinee van De Wien in Venlo-Oeës. ‘t Nömmer wuuërt gezônge door Marc Houwen, Vilma Houba en Josje van Onna.

Vastelaovesvereiniging De Wien is de letste wieëkvereiniging in Venlo die ‘nne eige leedjeswedstriëd organiseert. Jaorliks waere de winnende leedjes auk op cd oëtgebrach.

De twieëde plaats beej De Wien was veur Ilse Rongen en Gerard Vonk mit ‘t leedje ‘Wiener melange’ en derde waorte John Storm en Francois Vervoort mit ‘Laot dich ens huure’.

Brôn: Omroep Venlo

Duo ‘Wae Angers’ wint liedjesmatinee Tegele

161009-waeangers‘t Liedje ‘Weej zien d’r beej’ van duo Wae Angers haet zôndaag 09 oktoeëber ‘t Tegelse liedjesmatinee gewônne.

Twieëde waort Lianne Meijboom mit ‘Ozelig en káad’. As derde indigde Rianne en Marsha Elgers mit eur liedje ‘Vastelaovend vuëlbelaovend’. Zeej krege ‘tzelfde aantal punte as de nömmer 4, maar ‘t oeërdeil van de vakjury goof de doorslaag.

Duo Wae Angers zal optraeje op d’n Elfde vaan d’n Elfde in Mestreech.

Brôn: Omroep Venlo.

JocusLP ‘Venlo op zien bès’ noow te downloade

1979_venloopzienbesklein‘t Veurig jaor is Venloosch Vastelaoves Gezelschap Jocus same mit Studio Theelen gestart um de vruugere Jocus leedjes stapsgewiés te digitalisere en online aan te beeje beej meziékdienste wie iTunes en Spotify. De iërste samewerking tösse de Jocus en Studio Theelen dateert van 1976 mit productie van de LP ‘Vastelaovend Same’. Dees LP woord as iërste gedigitaliseerd en door vuuël leefhebbers gedownload.

LP 1978-1979 “Venlo op zien bes”
Auk dit vastelaovesseizoen wuurt ein alde LP digitaal aangebaoje. ‘t Motto van ‘t komende vastelaovesseizoen 2017 is “Venlo op zien bes”. In ‘t naojaor van 1978 woord en geliéknamige LP oétgebrach mit evergreens wie “Merieke en ziene Huzaar”, “Ik heb gedruimp”, “’t Benkske” en “En… ’t leedje”. Deze komplete LP zal half oktober beschikbaar zien op iTunes en Spotify.

As dees digitale LP aansleit volge miër nummers oét ’t muzikale Jocus-verleeje. Al vanaaf 1962 guf de Venlose vastelaovesvereiniging plate, kesettebendjes en later cd’s oét mit de winnende vastelaovesleedjes. Door de digitalisering wilt Jocus ‘t Venlose vastelaovesrippertoire behalde veur d’n toekôms.

Brôn: Jocus.nl