Biografie

Al miër dan 20 jaor verzamel ik Groeët-Venlose vastelaovesmeziëk. ‘t Begôs allemaol mit ‘n erfenis aan alde vastelaovessingles, -EP’tjes en -LP’s. Dit aanngevöld mit de meziëkcassettes en later de vastelaovescd’s makde de collectie vreej aardig compleet.
Toch bleef ‘t vastelaoves- en ‘t verzamelblood struime. Waas d’r nog miër? JAO! De collectie greujde gestaag mit minder bekinde in kleine oplage oëtgebrachte plaetjes. Minder bekind, maar zeker neet minder leuk!

Ind jaore ’90 bin ik begôs mit ‘t digitalisaere van de collectie. ‘n Aantal plaetjes waas toen al miër dan 40 jaor ald en begôste te verslieëte. Um dees schitterende opnames te behalde veur ‘t naogeslach bin ik erg zörgvöldig te werk gegaon.
De digitale collectie waord steeds oëtgebreider en groeëter. Zund um alles thoës te laote ligge…

In 2012 bin ik de boer opgegaon mit de meziëk en sinds dae tiëd zien de leedjes ald en jôngk, langkzaam en vlot, hard en zaag te huuëre beej Umroop Venlo Radio en op diverse podia in ‘t Groeët-Venlose.

Geneet van ‘nne aovend Groeët-Venlose (vastelaoves-) meziëk aangevöld mit de leukste Limburgstalige leedjes en Duitse schlagers. Lol en plezeer gegarandeerd!

JoeksDJ Rob.

Reacties zijn gesloten.