In andere jaore zoël ’t vastelaovesseizoen noow volop in bleuj zien. Um dit vraemde jaor neet gans verlaore te laote gaon, prissentaer ik vanaaf zaoterdaag 15 jannewari wiës aan Aswoensdaag eedere daag ‘nne Groeët-Venlose vastelaovesklassieker op mien Facebook-pagina.
Dus miër dan 4 waeke langk eedere daag um 11 euver 11 ein bietje joeks!
60 jaor ald en nog steeds kraakhelder. Felix Peters zingk ‘Elf van Elf’ op ’t iërste venlose vastelaovesplaetje wao Jan Theelen beej betrokke waas.
Dit jaor zien ‘slechs’ twieë leedjes oët Groeët-Venlo door nao de halve finale van ’t LVK.
De halve finales waere oëtgezônde op L1-Radio en -TV op vriëdaag 10, 17 en 24 jannewari 2020. En steeds op de zaoterdaag daonao herhaold.
Zaoterdaag 1 fibbrewari waere de 20 finaliste bekind gemak. De groeëte LVK-finale vind dit jaor plaats in Leisurepark ‘In de Bandert’ te Ech op vriëdaag 7 fibbrewari.
